Դավիդ Վիլյան Սերխիո Բուսկետսի և ֆիզիոթերապևտներ Էմիլի Ռիչարդի ու Պեպե Կոստայի հետ բարձրացել է Մոլա լեռը: Նա լավատեսորեն է տրամադրված ապաքինման վերջնական փուլից առաջ:
Կիրակի օրը լրանում է Վիլյայի վնասվածքի 4 - րդ ամիսը: Ինչպես նա հայտնել է Twitter - ի իր էջում, ապաքինումը լավ ճանապարհով է ընթանում: Դավիդը Բուսկետսի և ակումբի ֆիզիոթերապևտներից 2 - ի հետ նկարվել է Մոլա լեռան գագաթին (բարձրությունը` 1104 մետր) ու այդ նկարը տեղադրել իր էջում: "Առաջին անգամը չէր, որ բարձրանում էի Մոլա լեռան գագաթը, բայց այս անգամվանն ամենածանրն էր", - խոստովանել է աստուրիացի հարձակվողը:
Նա գոհ է իր ապաքինումից: "Օրեցօր ոտքս ավելի է լավանում: Կա նկատելի առաջընթաց", - ասել է Վիլյան, ով այդուհանդերձ չի ցանկանում ժամանակից առաջ ընկնել:
Լա Լիգայի մասին
Վնասվածք ստանալուց հետո Դավիդ Վիլյան ֆուտբոլ դիտելու ավելի շատ ժամանակ է ունենում: ՈՒշադրությամբ հետևելով Լա Լիգայի հանդիպումներին, Բարսայի 7 համարը եկել է հետևյալ եզրահանգմանը. "Միակ բանը, որ մենք կարող ենք անել, դա հաղթելն ու սպասելն է":