Հայաստանից աշխատանք գտնելու նպատակով 4 տարի առաջ Թուրքիա մեկնած 21ամյա Նարինե Մկրտչյանը շանտաժի զոհ դառնալով ինքնասպանություն է գործել: Այս մասին գրում է թուրքական «Միլիյեթ» (Milliyet) օրաթերթը:
Ն. Մկրտչյանն աշխատել է Ստամբուլի արծաթի արհեստանոցներից մեկում և ապրել խորթ հոր և եղբոր հետ: Թուրքիա մեկնելուց կարճ ժամանակ անց նա սիրահարվել է իրենց հետ նույն թաղամասում ապրող Օրհան անունով մի թուրքի:
Օրհանը, խաղալով աղջկա զգացմունքների հետ վերջինիս հետ սեռական հարաբերություն է ունենցել, ապա աղջկան գաղտնի մերկ լուսանկարում: Օրհանը աղջկա լուսանկարները փոխանցել է իր եղբորը` Բարըշին, որից հետո էլ վերջինս շանտաժի է ենթարկել Նարինեին, օգտագործելով այդ լուսանկարները: Նա սպառնացել է, որ եթե Նարինեն իր հետ սեռական հարաբերություն չունենա և իրեն խոշոր չափի գումար չտա, ապա այդ նկարները կտեղադրի համացանցում: Սպառնացել է նաև այդ լուսանկարները տալ Նարիների ավագ եղբորը` Ժորային:
Շանտաժի այս ծրագրին աջակցել է նաև Բարըշի եղբայրը` Օրհանը:
Ըստ աղբյուրի` այն բանից հետո, երբ Նարինեն հրաժարվել է կատարել Բարըշի պահանջը, այդ նկարներն, այնուամենայնիվ ցույց են տվել Նարինեի եղբորը` ժորային: Որից հետո ժորան վերադարձել է տուն ու ծեծի ենթարկել քրոջը: Նարինեն բացատրել է եղբորը, որ խաբվել է Օրհանի կողմից և թուրք եղբայրների նենգ ծրագրի զոհն է դարձել: Սակայն, քանի որ հայաստանցի այս ընտանիքը փախստականի կարգավիճակում է Թուրքիայում, չեն կարողացել դիմել ոստիկանություն և բողոք ներկայացրել թուրք եղբայրների դեմ: Եղբայրների սպառնալիքները շարունակվել են նաև հետագա օրերին: Եվ մի օր Նարինեն, չկարողանալով գտնել թուրք եղբայրների պահանջած գումարը, թույն է խմում և վերջ տալիս կյանքին:
Ներկայումս Նարինե Մկրտչյանի ինքնասպանության գործով Ստամբուլի դատախազության կողմից հետաքննություն է սկսել: