Հարավային Կորեայի կենսաբանները ստեղծել են գենետիկորեն ձևափոխված շուն, որն  ուլտրամանուշակագույն ճառագայթների  ներքո լուսարձակում է կանաչ գույնով: Այդ արդյունքը ստացվել է շան կերի մեջ հակաբիոտիկ դոքսիցիլինի հավելումով:

Թեգոն անունով շնիկը ստացվել է նույն տեխնոլոգիայով, ինչ  առաջին կլոնավորված շունը  (ավղանական քերծեն): Այն ժամանակ հասուն քերծեի ականջից վերցված  բջջի միջուկը տեղադրվել էր մեկ այլ շան ձվաբջջի մեջ, ինչն էլ տեղադրվել էր մեկ այլ` երրորդ շան արգանդում:

Սեուլի ազգային համալսարանի աշխատակիցները (այս հաստատությունում է ծնվել նաև քերծեն), նշում են, որ ֆլուորեսցենտային սպիտակուցի արտադրության համար պատասխանատու գենը կարելի է փոխարինել մեկ ուրիշով, որը կապված է , ասենք, այս կամ այն հիվանդության զարգացման հետ: Այսպես, հայտնի է մարդկանց ու շների առնվազն 268 հիվանդություն, որոնք  նման ընթացք ունեն: Գենետիկ մոդիֆիկացիայով կենդանիները կարող են բուժման մեթոդներ փնտրելու նպատակով օգտագործվել:

Առաջին շունը կլոնավորվել է 2005-ին հարավկորեացի կենսաբան Խվան Ու Սոկի ղեկավարությամբ, ում հետո մեղադրեցին տվյալները կեղծելու մեջ: 2009-ին դատարանը պարզեց, որ նա իր աշխատանքներում բազմաթիվ խախտումներ է կատարել ու դատապարտեցին պայմանական ազատազրկման: Սակայն, այն փաստը, որ կլոնավորած շուն գոյություն ունի, կասկածից դուրս է ու հաստատվել է անկախ փորձագետների կողմից: