Главная » 2012»Апрель»12 » ՌԱՄՈՍ. «ԲԱԽՏԱՎՈՐ ԵՆՔ, ՈՐ ՌՈՆԱԼԴՈՒԻ ՊԵՍ ՖՈՒՏԲՈԼԻՍՏ ՈՒՆԵՆՔ»
10:03 PM
ՌԱՄՈՍ. «ԲԱԽՏԱՎՈՐ ԵՆՔ, ՈՐ ՌՈՆԱԼԴՈՒԻ ՊԵՍ ՖՈՒՏԲՈԼԻՍՏ ՈՒՆԵՆՔ»
«Ռեալի» երկրորդ ավագ Սերխիո Ռամոսը ԶԼՄ-ներին հայտնել է իր ուրախության մասին, որը պայմանավորված է «Վիսենտե Կալդերոն» մարզադաշտում տարած հաղթանակով:
«Թիմն ուժեղ է, ոգևորված, տրամադրված: Ամոթ կլիներ, եթե ամբողջ առաջնության ընթացքում մեր տարած ջանքերից ու զոհողություններից հետո չեմպիոնության համար պայքարը մեր ձեռքերից բաց թողնեինք»:
«Ատլետիկո Մադրիդի» հետ խաղում վաստակած երեք միավորները շատ կարևոր էին: «Ռեալ Մադրիդի» նման ակումբին միշտ փորձում են ճնշել, բայց մենք գիտենք` ինչպես դիմակայել և պետք է միշտ պատրաստ լինենք ամեն ինչին: Յուրաքանչյուր խաղ կյանքի և մահվան հարց է: Մենք այս երեկո հասանք շատ կարևոր հաղթանակի: Ամեն ինչ բարեհաջող ավարտվեց, և այժմ բավականին հանգիստ ենք»:
«Մենք չենք մտածում, թե «Բարսելոնան» այդքան հեշտ է հանձնվելու և հրաժարվելու է իր միավորներից, անյուամենայնիվ, մենք կախված ենք միայն մեզանից և մեր չորս միավորի առավելությունը խթանում է լավ աշխատանքը»:
«Կրիշտիանու Ռոնալդուն աշխարհի ամենալավ ֆուտբոլիստն է: Մենք երջանիկ ենք, որ ունենք այդպիսի ֆուտբոլիստ»:
