«ՊՍԺ»-ն պատրաստ է պայմանագիր ստորագրել «Ռեալի» կիսապաշտպան Լասսանա Դիարայի հետ: Հաղորդվում է, որ Լասին առաջարկվել է 4 տարվա պայմանագիր և բարձր աշխատավարձ: Կանխել այս տրանսֆերը կարող է երկու փաստ. առաջինը` ֆուտբոլիստի ցանկությունը վերադառնալ Անգլիայի առաջնություն, և երկրորդ` գումարը, որ առաջարկում է «ՊՍԺ»-ն խաղացողի համար, որից ամենայն հավանականությամբ կհրաժարվի «Ռեալը»: Բանն այն է, որ Լասսի պայմանագիրը ավարտվում է 2013 թվականին: Եթե կես տարի առաջ ֆուտբոլիստը չէր ցանկանում երկարաձգել պայմանագիրը, ապա հիմա արդեն ակումբը չի ցանկանում իր կազմում պահել նրան: Այս պատճառով «ՊՍԺ»-ն առաջարկում է Արքայական ակումբին Դիարայի համար ընդամենը 4 միլիոն եվրո: Եվ «Ռեալը» շատ հնարավորություններ չունի, քանի որ Լասսը 2013 թվականի հունվարից սկսած ազատ է որոշումներ կայացնելու մեջ և կարող է հեռանալ թիմից անվճար: | 
