Պերմի մարզի Նիտվենսկի շրջանում մանկատունը դադարեցրել է գոյությունը. ավելի քան 100 երեխաները որդեգրվել են:
Ողջ Նիտվենսկի շրջանն ապրում է առանց մանկատան: Սա բացառիկ դեպք է, երբ մանկատունը փակվում է ոչ թե ֆինանսավորման բացակայության պատճառով, այլ այն ուրախալի հանգամանքով, որ այնտեղ պարզապես երեխա չի մնացել. Բոլորին որդեգրել են: 75 ընտանիք ստանձնել է նախկինում մանկատանը գտնվող երեխաների դաստիարակությունը: Խնամակալության ու հոգաբարձության բաժնի պետն ասում է, որ իրենք երեխաներ որդեգրել ցանկացող "ծնողների” տվյալների բազա ունեն, որոնց հետ մշտապես աշխատում են: Շրջանում նույնիսկ որդեգրող ծնողների համար դպրոց է բացվել.բոլոր ընտանիքները ուսումնասիրվում են, ստուգվում, նրանց հետ աշխատում են հոգեբանները, քանի որ յուրաքանչյուր ընտանիք պետք է բարոյապես պատրաստ լինի նոր երեխայի հայտնվելուն: "Արհեստավարժ” ծնողները միանգամից մի քանի երեխա են որդեգրում: "Դա այնքան լավ է, երբ մարդիկ միավորվել են ու որբերի հարցը լուծվել է: Մեզ այլևս մանկատուն հարկավոր չէ, քանի որ երեխա չի մնացել”,խոստովանում է բազմազավակ մի մայրիկ: Սոցիալական ծառայությունում համոզված են, որ շրջանին այլևս մանկատներ հարկավոր չեն:
| 
