Ինտերնետին միացված յուրաքանչյուր սերվեր ունի իր սեփական Ինտերնետ – հասցեն, որը կոչվում է IP-հասցե IP-Internet Protocol, Ինտերնետի արձանագրություն։ Այդ հասցեն կազմված է կետերով բաժանված չորս թվերից, որոնցից յուրաքանչյուրն ունի 0-ից մինչև 254 արժեքը: Իհարկե այդ թվերը հեշտ չէ մտապահել, ուստի յուրաքանչյուր IP-ի համապատասխանեցվում է դոմենի առավել ակնհայտ յուրօրինակ անունը։ Այդ համապատասխանության ցուցակները պահպանվում են դոմենների անունների սերվերներում DNS – Domain Name Server:
HTML փաստաթուղթը կազմված է HTML կոդերից և փաստաթղթի հիմնական տեքստից HTML փաստաթղթերում տեքստը ձևաչափի բերելու, փաստաթղթի կառուցվածքն առաջադրելու, հղումներն ու մուլտիմեդիայի օբյեկտները կազմակերպելու համար օգտագործվում են հատուկ կոդային բառեր, որոնք կոչվում են նշադրման վերծանիչներ կամ տեգեր «tags»։ Տեգերը նշվում են անկյունային փակագծերով, օրինակ <HEAD>։